Foto: IIM baspasóz qyzmeti
Almaty oblysyndaǵy ýlaný oqiǵasynyń aldyn ala sebebi belgili boldy, - dep habarlaidy "Ult aqparat".
IIM baspasóz qyzmetiniń málimetinshe, 4 mamyrda saǵat 16:00 shamasynda Qarasai aýdanynyń PB-ge Kólashy aýylynda 6 adam belgisiz zattan ýlanǵany týraly habarlama kelip túsken.
"Nátijesinde, 1984 jylǵy er adam jáne 2008, 2010, 2013 jáne 2018 jylǵy tórt bala qaza boldy. 1985 jylǵy áiel Shamalǵan aýylyndaǵy aýrýhanaǵa jatqyzyldy.
Atalǵan derek dereý aýdandyq politsiiada tirkelgen. Oqiǵanyń barlyq mán-jaiyn anyqtaý úshin sot-meditsinalyq saraptama taǵaiyndalyp, barlyq qajetti tergeý áreketi júrgizilip jatyr.
Aita keteiik, tergeýdiń tolyqtyǵy úshin Almaty oblysynyń TJD zertteý synaq órt zerthanasy, Gaz qyzmeti jáne SEQ shaqyryldy. Túpkilikti sheshim taǵaiyndalǵan saraptamalyq tekserýlerdiń nátijeleri boiynsha qabyldanady. Aldyn ala málimetter boiynsha, zardap shekkender kómirtegi totyǵymen ýlanǵan", - delingen habarlamada.
