Almaty oblysyndaǵy bóget buzylǵan aýylda itter qutqaryldy, - dep habarlaidy Tengrinews.kz agenttigi TJM baspasóz qyzmetine silteme jasap.
"Almaty oblysynda Knijevsk sýqoimasyndaǵy bógettiń buzylýy saldarynan iesiz itterdiń panalaý ornyna sý kelgeni týraly aqparat kelip tústi. Itterdiń panalaý orny bóget buzylǵan jerden 500 metr qashyqtyqta ornalasqan. Itter ornalasqan jerge sý ishinara kirgen. Onyń deńgeii shamamen 15-20 sm boldy. Janýarlar aman. Panalaý ornynda barlyǵy 150 it bolǵan. Sý basqan kezde TJM qutqarýshylary men mekeme qyzmetkerleri janýarlardy qaýipsiz jerge kóshirgen. Qazirgi ýaqytta sý deńgeii tómendedi (ishinara muz qatqan)", - delingen habarlamada.
Eske salaiyq, 2021 jyldyń 21 qarashasynda saǵat 23.13-te Myńbaev aýyly mańynda Knijevsk sýqoimasynyń bógeti jaryldy. Sýqoimasynyń kólemi 4,47 million tekshe metr, qazirgi ýaqytta ol 50 paiyzǵa toly. Oqiǵa saldarynan zardap shekkender joq, úilerdi sý basqan joq. Oblystyq Myńbaev-Qasymbek avtojoly arqyly sý tasqyny ótip jatyr. Politsiia qyzmetkerleri kólik qozǵalysyn shekteý úshin beketter ornatqan.
