الماتى وبلىسىنداعى بٶگەت بۇزىلعان اۋىلدا يتتەر قۇتقارىلدى, - دەپ حابارلايدى Tengrinews.kz اگەنتتٸگٸ تجم باسپاسٶز قىزمەتٸنە سٸلتەمە جاساپ.
"الماتى وبلىسىندا كنيجەۆسك سۋقويماسىنداعى بٶگەتتٸڭ بۇزىلۋى سالدارىنان يەسٸز يتتەردٸڭ پانالاۋ ورنىنا سۋ كەلگەنٸ تۋرالى اقپارات كەلٸپ تٷستٸ. يتتەردٸڭ پانالاۋ ورنى بٶگەت بۇزىلعان جەردەن 500 مەتر قاشىقتىقتا ورنالاسقان. يتتەر ورنالاسقان جەرگە سۋ ٸشٸنارا كٸرگەن. ونىڭ دەڭگەيٸ شامامەن 15-20 سم بولدى. جانۋارلار امان. پانالاۋ ورنىندا بارلىعى 150 يت بولعان. سۋ باسقان كەزدە تجم قۇتقارۋشىلارى مەن مەكەمە قىزمەتكەرلەرٸ جانۋارلاردى قاۋٸپسٸز جەرگە كٶشٸرگەن. قازٸرگٸ ۋاقىتتا سۋ دەڭگەيٸ تٶمەندەدٸ (ٸشٸنارا مۇز قاتقان)", - دەلٸنگەن حابارلامادا.
ەسكە سالايىق, 2021 جىلدىڭ 21 قاراشاسىندا ساعات 23.13-تە مىڭباەۆ اۋىلى ماڭىندا كنيجەۆسك سۋقويماسىنىڭ بٶگەتٸ جارىلدى. سۋقويماسىنىڭ كٶلەمٸ 4,47 ميلليون تەكشە مەتر, قازٸرگٸ ۋاقىتتا ول 50 پايىزعا تولى. وقيعا سالدارىنان زارداپ شەككەندەر جوق, ٷيلەردٸ سۋ باسقان جوق. وبلىستىق مىڭباەۆ-قاسىمبەك اۆتوجولى ارقىلى سۋ تاسقىنى ٶتٸپ جاتىر. پوليتسييا قىزمەتكەرلەرٸ كٶلٸك قوزعالىسىن شەكتەۋ ٷشٸن بەكەتتەر ورناتقان.
