Almaty oblysynyń aýmaǵynda ornalasqan Alakólge týrister koronavirýske test tapsyrmai-aq bara alady. Bul óńirde Shyǵys Qazaqstan oblysyndaǵydai anyqtama talap etilmeidi, dep habarlaidy "Ult aqparat".
Biraq demalys oryndarynda sanitarlyq talaptar kúsheiedi. Endi Alakólge kelgen týrister de, demalys oryndaryndaǵy qyzmetkerler de adam kóp shoǵyrlanǵan jerlerde meditsinalyq maska taǵyp júrýge mindetti.
Sondai-aq ár óńirden kelgen týristerdi bir bólmege jatqyzýǵa tyiym salynady. Demalýshylardyń tamaqtanatyn, jatyn oryndary 1,5-2 metrlik araqashyqtyqty saqtap, sanitaizerlermen qamtamasyz etilýi tiis. Jalpy bul týristik aimaqta resmi tirkelgen 250-ge jýyq demalys oryndary bar. Ol jerlerde byltyr 1 mln 300 myńnan asa týrist demalǵan. Olarǵa kórsetilgen aqyly qyzmettiń quny 8 mlrd teńgege jýyqtaǵan.
«13 maýsymnan Alakóldegi basqa jerlerdegi demalys oryndary ashyla bastaidy. Arnaiy komissiianyń sheshimimen COVID 19-ǵa anyqtama suramaityn boldyq. Onyń ornyna talapty kúsheitemiz. Demalys oryndarynyń qyzmetkerlerin jańa formatta daiyndaityn bolady. Demalýshylardy qalai qarsy alý kerek, teplovizormen qalai jumys isteý kerek, anketa qalai toltyrý kerek, sonyń bárin úiretetin bolamyz. Eger daiyn bolsa jańaǵy bazalarǵa ruqsat beremiz, daiyn bolmasa ruqsat berilmeitin bolady», - dedi Almaty oblysynyń bas memlekettik sanitarlyq dárigeri Qairat Baimuhambetov.
