الماتى وبلىسىنىڭ اۋماعىندا ورنالاسقان الاكٶلگە تۋريستەر كوروناۆيرۋسكە تەست تاپسىرماي-اق بارا الادى. بۇل ٶڭٸردە شىعىس قازاقستان وبلىسىنداعىداي انىقتاما تالاپ ەتٸلمەيدٸ, دەپ حابارلايدى "ۇلت اقپارات".
بٸراق دەمالىس ورىندارىندا سانيتارلىق تالاپتار كٷشەيەدٸ. ەندٸ الاكٶلگە كەلگەن تۋريستەر دە, دەمالىس ورىندارىنداعى قىزمەتكەرلەر دە ادام كٶپ شوعىرلانعان جەرلەردە مەديتسينالىق ماسكا تاعىپ جٷرۋگە مٸندەتتٸ.
سونداي-اق ەر ٶڭٸردەن كەلگەن تۋريستەردٸ بٸر بٶلمەگە جاتقىزۋعا تىيىم سالىنادى. دەمالۋشىلاردىڭ تاماقتاناتىن, جاتىن ورىندارى 1,5-2 مەترلٸك اراقاشىقتىقتى ساقتاپ, سانيتايزەرلەرمەن قامتاماسىز ەتٸلۋٸ تيٸس. جالپى بۇل تۋريستٸك ايماقتا رەسمي تٸركەلگەن 250-گە جۋىق دەمالىس ورىندارى بار. ول جەرلەردە بىلتىر 1 ملن 300 مىڭنان اسا تۋريست دەمالعان. ولارعا كٶرسەتٸلگەن اقىلى قىزمەتتٸڭ قۇنى 8 ملرد تەڭگەگە جۋىقتاعان.
«13 ماۋسىمنان الاكٶلدەگٸ باسقا جەرلەردەگٸ دەمالىس ورىندارى اشىلا باستايدى. ارنايى كوميسسييانىڭ شەشٸمٸمەن COVID 19-عا انىقتاما سۇرامايتىن بولدىق. ونىڭ ورنىنا تالاپتى كٷشەيتەمٸز. دەمالىس ورىندارىنىڭ قىزمەتكەرلەرٸن جاڭا فورماتتا دايىندايتىن بولادى. دەمالۋشىلاردى قالاي قارسى الۋ كەرەك, تەپلوۆيزورمەن قالاي جۇمىس ٸستەۋ كەرەك, انكەتا قالاي تولتىرۋ كەرەك, سونىڭ بەرٸن ٷيرەتەتٸن بولامىز. ەگەر دايىن بولسا جاڭاعى بازالارعا رۇقسات بەرەمٸز, دايىن بولماسا رۇقسات بەرٸلمەيتٸن بولادى», - دەدٸ الماتى وبلىسىنىڭ باس مەملەكەتتٸك سانيتارلىق دەرٸگەرٸ قايرات بايمۇحامبەتوۆ.
