Almaty oblysynda júk kóligi siyrlardy qaǵyp, 33 jastaǵy jolaýshy mert boldy, dep habarlaidy "Ult aqparat".
Apat bolǵan jerden túsirilgen video áleýmettik jelide tarady.
Almaty oblystyq Politsiia departamentiniń baspasóz qyzmeti oqiǵany rastady. Jol- kólik apaty Talǵar aýdanynda boldy.
«HYUNDAI HD 270» júk kóliginiń júrgizýshisi batys baǵytta Aqbulaq-Talǵar tasjoly boiynda úsh siyrdy qaǵyp ketken. Saldarynan oqiǵa ornynda 33 jastaǵy júk kóliginiń kabinasynda otyrǵan jolaýshy mert boldy», - dep habarlady Almaty oblystyq Politsiia departamentinen.
Atalǵan jol apaty boiynsha QR QK-niń 345-baby, 3-bóligine sáikes sotqa deiingi tergep-tekserý bastaldy.
