Almaty oblysynda turǵyndarmen kezdesý barysynda ústeldi judyryqpen urǵan aýrýhananyń bas dárigerine qatysty tekseris bastaldy, dep habarlaidy "Ult aqparat".
«Búgingi kúni QR Eńbek kodeksiniń 64-baby 1-bóliginiń 4-tarmaǵyna sáikes, Almaty oblystyq Densaýlyq saqtaý basqarmasy tarapynan komissiia quryldy. Arnaiy top Talǵar aýdandyq aýrýhanasynyń bas dárigeri N. G. Kúlseiitovtiń etikalyq áreketine qatysty máseleni qaraidy. Qabyldanǵan shara habarlanatyn bolady», - delingen Almaty oblystyq Densaýlyq saqtaý basqarmasynyń resmi málimdemesinde.
Aita keteiik, Talǵar aýdandyq aýrýhanasynyń bas dárigeri kezdesý barysynda turǵyndardyń biriniń qoiǵan suraǵyna ashýlanyp, ústeldi judyryqpen urǵan. Artynsha zaldan shyǵyp ketken. Al turǵynnyń ashý týdyrtqan suraǵy aýrýhanada dárilerdiń jetispeýi jóninde bolǵan.
