Almaty oblysynyń Alakól aýdanynda bes balasy bar jalǵyzbasty ana baspanaly boldy, dep habarlaidy "Ult aqparat".
Alakól aýdany ákiminiń baspasóz qyzmetiniń bergen aqparatyna sáikes, «Diana» qaiyrymdylyq qory Qurban ait merekesi qarsańynda Aqtúbek aýylynyń turǵyny, kópbalaly ana Samal Núrpeiisovaǵa úsh bólmeli turǵyn úidiń kiltin tabystady.
Qonys iesiniń qýanyshyn bólisýge okrýg ákimi Qairat Turlybekov, «Diana» qaiyrymdylyq qorynyń uiymdastyrýshysy Q. Qappar arnaiy qatysyp, ózderiniń quttyqtaýlaryn jetkizdi.
«Úi iesin qýanyshymen quttyqtaimyn. Aýdanda atqarylyp jatqan qaiyrymdy isterge únemi kýá bolyp júrmiz. Osy igi istiń basynda júrgen»Diana« qaiyrymdylyq qoryna jáne barlyq ujymyna alǵysymdy bildiremin», - dedi okrýg ákimi.
«Mereke aldynda biz keremet sharanyń kýási bolýdamyz. Eger biz yntymaǵymyz ben birligimizdi kórsete bilsek, elde qinalǵan otbasy bolmaitynyna senemin», - degen qor uiymdastyrýshysy úi kiltin Samal Núrpeiisovaǵa tabys etti.
Jalǵyzbasty ana óziniń 5 balasymen birneshe jyl páter jaldap turǵanyn, endi olardyń óz bólmeleri bolatynyn aityp, kóz jasyna erik berdi.
Aita ketý kerek, atalǵan qor ujymy turǵyn úidi 920 myń teńge kólemindegi qarajatqa satyp alǵan.
