Foto: Polisia.kz
Áleýmettik jelide júrgizýshilerdiń joldaǵy janjalynyń videosy tarady, - dep habarlaidy "Ult aqparat".
Ashýlanǵan júrgizýshiniń biri sol jaq jolaqtaǵy kólikti toqtatyp, kapotyna shyǵyp, aiaǵymen aldyńǵy áinegin syndyrǵan. Sodan keiin ol tómen túsip, júrgizýshi otyrǵan jaqtaǵy terezeni shaǵyp tastap, ishtegi azamatty urýǵa talpynyp, qoqan-loqqy kórsetken. Bul kezde kóliktiń ishinde júrgizýshiden bólek áieli men balasy bolǵan.
IIM baspasóz qyzmetiniń málimetinshe, Jambyl aýdanynyń politsiia qyzmetkerleri kúdiktini ustady. Ol Almaty qalasynyń 1993 jylǵy K. esimdi turǵyny bolyp shyqty.
"28 maýsym Jambyl aýdanynyń PB-ǵa 1992 jylǵy O. esimdi azamat Almaty-Bishkek avtojolynda saǵat 19:20 shamasynda jol qozǵalysy erejelerin buzyp, jol-kólik oqiǵasyn jasaǵan, sonymen qatar buzaqylyq nietpen kóligin búldirgen belgisiz adamǵa qatysty sharalar qabyldaý týraly jazbasha aryzben júgingen.
Derek QR QK 293-babynyń 1-bóliminde kózdelgen qylmystyq quqyq buzýshylyq belgileri boiynsha birden aýdandyq politsiiada tirkeldi.
Jábirlenýshige sot-meditsinalyq saraptama taǵaiyndaldy. Kúdiktiniń avtomashinasy Uzynaǵash aýylynyń arnaiy aiyp turaǵyna qoiyldy. JKO deregine qatysty QR ÁQBtK 610-baby 1-bóligi boiynsha K. esimdi júrgizýshige qatysty ákimshilik is qozǵaldy" - delingen habarlamada.
Buzaqylyq deregi boiynsha túpkilikti is júrgizý sheshimin qabyldaý úshin tergeý is-sharalary júrgizilip jatyr.
