Foto: Anadolu Ajansi
1 mamyr kúni Astana ýaqytymen 08:19-de QR TJM «Seismologiialyq baqylaýlar men zertteýlerdiń ulttyq ǵylymi ortalyǵy» JShS-niń seismikalyq stantsiialar jelisi jer silkinisin tirkedi.
Jer silkinisiniń parametrleri:
• Kúni men ýaqyty: 2025 j. 1 mamyr, 08:19 (Astana ýaqyty)
• Epitsentr koordinattary: 42.843° s.e., 79.332° sh.b. •
Oshaǵynyń ornalasqan jeri: Qazaqstan Respýblikasy, Almaty oblysy, Kegen aýdany, Qarqara aýylynan 10 km qashyqtyqta, Almaty qalasynan ońtústik-shyǵysqa qarai 201 km jerde.
• Epitsentrdegi eseptik qarqyndylyǵy: Sezilmegen esepteý boiynsha, bul jer silkinisin halyq sezbegen jáne qaýip tóndirmeidi.
Osy oraida Almaty oblysy TJD jer silkinisi kezindegi 10 qarapaiym qadamdy atady:
1. Jer dúmpýi kezinde úreilenbeńiz;
2. Jer silkiný kezinde lift jáne baspaldaqpen qoldanbańyz;
3. Jihazdan, terezeden, ary turyńyz;
4. Jasyrynatyn jerdi tabyńyz. Joǵarǵy qabattarda negizgi irgeli qabyrǵalardyń buryshynda oryn alyp jasyryńyz;
5. Ǵimarattan shyǵyńyz (tómengi qabattarda);
Kóp qabatty úilerde jer silkinisi aiaqtalǵan soń ǵimarattan shyǵyńyz;
6. Keter aldynda sýdy, gazdy, elektr qýatyn múmkindigińizshe óshirińiz;
7. Dabyl jol sandyǵyn alyńyz (aldyn ala daiyndaý qajet);
8. Elektr jelilerden, ǵimarat, aǵashtardan aýlaq bolyńyz;
9. Jer silkinýine daiyn bolyńyz;
10. Qart adamdarǵa, balalarǵa, múmkindigi shekteýli adamdarǵa kómek kórsetińiz.
