Almaty oblysynda barlyq aýrýhanalar karantinge jabyldy. Endi turǵyndar ózderin mazalaǵan suraqtarǵa jaýap alý úshin jedel jelige qońyraý shala alady, - dep habarlaidy "Ult aqparat".
«Qazir barlyq aýrýhanalar karantinge jabyldy. Endi turǵyndardy mazalap jatqan suraqtar mynadai, máselen, júregi aýyratyn, ózge de syrqattary bar adamdar qaida habarlasamyz dep jatyr. Barlyq suraqtarǵa bailanysty osy 8800808828 nemese 87282411212 nomerlerge habarlasýǵa bolady», - dedi Almaty oblysynyń densaýlyq saqtaý basqarmasynyń baspasóz hatshysy Láilim Áýbákirova.
Sondai-aq vedomstvo ókiliniń málimetinshe, Almaty oblysy boiynsha aýrýhanalarda oryndar bar.
«Almaty oblysynda dálizde em alyp jatqan naýqastar joq. Aýrýhanalarda oryndar jetkilikti. Biraq, ár túrli aýrý belgilerimen iaǵni, tumaý, dám, iis sezbeý, temperatýramen shaǵymdanatyndar sany kúrt ósti. Olardyń barlyǵy derlik aýrýhanalarǵa jatqyzyla bermeidi. Biraq olarǵa ózderiniń ýchaskelik dárigerleri onlain túrde qandai em-sharalaryn qoldaný jóninde keńesterin berip jatyr», - dedi L. Áýbákirova.
