الماتى وبلىسىندا بارلىق اۋرۋحانالار كارانتينگە جابىلدى. ەندٸ تۇرعىندار ٶزدەرٸن مازالاعان سۇراقتارعا جاۋاپ الۋ ٷشٸن جەدەل جەلٸگە قوڭىراۋ شالا الادى, - دەپ حابارلايدى "ۇلت اقپارات".
«قازٸر بارلىق اۋرۋحانالار كارانتينگە جابىلدى. ەندٸ تۇرعىنداردى مازالاپ جاتقان سۇراقتار مىناداي, مەسەلەن, جٷرەگٸ اۋىراتىن, ٶزگە دە سىرقاتتارى بار ادامدار قايدا حابارلاسامىز دەپ جاتىر. بارلىق سۇراقتارعا بايلانىستى وسى 8800808828 نەمەسە 87282411212 نومەرلەرگە حابارلاسۋعا بولادى», - دەدٸ الماتى وبلىسىنىڭ دەنساۋلىق ساقتاۋ باسقارماسىنىڭ باسپاسٶز حاتشىسى لەيلٸم ەۋبەكٸروۆا.
سونداي-اق ۆەدومستۆو ٶكٸلٸنٸڭ مەلٸمەتٸنشە, الماتى وبلىسى بويىنشا اۋرۋحانالاردا ورىندار بار.
«الماتى وبلىسىندا دەلٸزدە ەم الىپ جاتقان ناۋقاستار جوق. اۋرۋحانالاردا ورىندار جەتكٸلٸكتٸ. بٸراق, ەر تٷرلٸ اۋرۋ بەلگٸلەرٸمەن ياعني, تۇماۋ, دەم, يٸس سەزبەۋ, تەمپەراتۋرامەن شاعىمداناتىندار سانى كٷرت ٶستٸ. ولاردىڭ بارلىعى دەرلٸك اۋرۋحانالارعا جاتقىزىلا بەرمەيدٸ. بٸراق ولارعا ٶزدەرٸنٸڭ ۋچاسكەلٸك دەرٸگەرلەرٸ ونلاين تٷردە قانداي ەم-شارالارىن قولدانۋ جٶنٸندە كەڭەستەرٸن بەرٸپ جاتىر», - دەدٸ ل. ەۋبەكٸروۆا.
