7 naýryzda Almaty oblysy Qarasai aýdanyndaǵy Shamalǵan aýyly mańynda jappai tóbeles boldy. Oǵan 30-ǵa jýyq adam qatysqan. Saldarynan oqiǵaǵa qatysýshylardyń biri oq jaraqatymen aýrýhanaǵa jetkizildi, - dep habarlaidy Tengrinews.kz tilshisi.
Politsiia málimetinshe, aldyn ala derekterge sáikes, qaqtyǵysqa eki aýyldyń turǵyndary qatysqan.
"Ártúrli kalibrli qarýdyń oq-dárisi, sondai-aq eki Lexus jáne VAZ kólikteri tabyldy. Janjalǵa eki aýyldyq okrýgtiń turǵyndary, negizinen 25-30 jas aralyǵyndaǵy aýyl jastary qatysqany anyqtaldy. Qaqtyǵysqa ne sebep bolǵany áli anyqtalyp jatyr", - dedi Azattyq Rýhy Almaty oblysy politsiia departamentiniń baspasóz qyzmetine silteme jasap.
