Almaty oblysynda alkogol ónimderin óndirip kelgen jasyryn tseh anyqtaldy, dep habarlaidy QazAqparat.
Qarasai aýdany, Áitei aýylynyń turǵyny óz úiinde antisanitarlyq jaǵdaida araq-sharaptyń tanymal markalaryn bótelkelerge quiyp, iri kólemde saýdaǵa shyǵaryp otyrǵan.
Qarjy monitoringi Agenttiginiń Almaty oblysy aýmaqtyq departamenti mamandarymen tekserý barysynda 7000 aktsizdik marka, ár túrli alakogol sýsyndarynyń 850 bótelkesi men qaqpaqtar jáne bótelke jabatyn qondyrǵylardy anyqtady. Sondai-aq quramynda spirti bar suiyqtyq quiylǵan 25 litrlik ydystar men basqa da qural-jabdyq tárkilendi.
«Atalǵan fakt boiynsha Qarasai aýdandyq sot úkimimen QR QK 233 baby, 2-shi bóligi boiynsha eshqaida ketpeý jáne tiisti minez-qulyq týraly qolhat berilip, taǵaiyndalǵan jazanyń búkil merzimine probatsiialyq baqylaý ornatyldy. Jáne 300 saǵat qoǵamdyq jumys túrinde jaza taǵaiyndalǵan»,- dedi Almaty oblystyq ekonomikalyq tergeý departamentiniń resmi ókili Ainur Ydyrysova.
