Foto: Ashyq derekkóz
Almaty oblysynyń qylmystyq ister boiynsha mamandandyrylǵan aýdanaralyq sotynda T.-ǵa qatysty QK-niń 24-babynyń 3-bóligi (qylmysqa oqtalý) jáne 99-babynyń 2-bóliginiń 1 tarmaǵy (adam óltirý) boiynsha qylmystyq is qaraldy, dep habarlaidy oblystyq sottyń baspasóz qyzmeti.
Oblystyq sot málimetine sáikes, 2024 jyldyń 26 qazanynda T. esimdi azamat Qonaev–Baqanas avtojolynyń 26-shaqyrymynda ornalasqan «Sh» sharýa qojalyǵy aýmaǵynda spirttik ishimdik iship, shamamen 22:00-de Ile ózeniniń jaǵasyna barǵan. Sol jerde balyq aýlap otyrǵan Ý., D. jáne K.-ny kórip, olardyń baǵytyna myltyqtan birneshe ret oq atqan.
Nátijesinde jábirlenýshiler ártúrli dárejedegi jaraqattar alǵan. Alaida meditsinalyq kómektiń arqasynda olar aman qalǵan.
- Sot T-nyń is-áreketterin QK-niń 24-babynyń 3-bóligi men 99-babynyń 2-bóligi 1 tarmaǵyna sáikes saralap, qylmysty alkogoldik masań kúide jasaýyn jaýaptylyqty aýyrlatatyn jaǵdai dep tanydy. Sot úkimimen T. 15 jyl merzimge bas bostandyǵynan aiyrý túrinde jaza taǵaiyndaldy, - dep habarlady sottan.
Úkim zańdy kúshine engen joq.
