Almaty oblysynyń qylmystyq ister jónindegi mamandandyrylǵan aýdanaralyq soty Zarechnyi kentindegi №14 túzeý mekemesinde uiymdasqan qylmystyq top qurǵan 10 adamǵa qatysty úkim shyǵardy, dep habarlaidy ult.kz.
Tergeý derekterine sáikes, 2022-2024 jyldar aralyǵynda atalǵan mekemede jazasyn ótep júrgen birqatar sottalǵan turaqty uiymdasqan qylmystyq top quryp, basqa sottalǵandarǵa psihologiialyq qysym kórsetip, kúsh qoldanǵan.
Prokýratýra málimetinshe, top músheleri ózge sottalǵandardan júieli túrde aqsha bopsalap otyrǵan. Zańsyz jolmen alynǵan qarajat bank kartalaryna, sondai-aq Kaspi jáne basqa da mobildi qosymshalardaǵy óz baqylaýyndaǵy shottarǵa aýdarylyp otyrǵan. Al talaptaryn oryndaýdan bas tartqandar uryp-soǵý, qorlaý jáne basqa da zorlyq-zombylyq áreketterine ushyraǵan.
Kópepizodty qylmystyq is boiynsha tergeýdi Almaty oblysy prokýratýrasynyń arnaiy prokýrorlary Qylmystyq kodekstiń uiymdasqan qylmystyq top qurý jáne oǵan qatysý, bopsalaý jáne alaiaqtyq baptary boiynsha júrgizgen.
Sot talqylaýy barysynda memlekettik aiyptaýshy sottalýshylardyń kinásin dáleldeitin jetkilikti aiǵaqtar usynǵan.
Is materialdaryn qaraý nátijesinde sot uiymdasqan qylmystyq toptyń barlyq 10 múshesin kináli dep tanyp, olardy 10 jyldan 15 jylǵa deiingi merzimge bas bostandyǵynan aiyrdy.
Aita keteiik, sot úkimi ázirge zańdy kúshine engen joq.
