Almaty oblysynda tsehta jarylys bolyp, jumysshy qaza tapty. Bul týraly QR Tótenshe jaǵdailar ministrliginiń resmi ókili Talǵat Ýáli aitty, dep habarlaidy "Ult aqparat".
«2020 jylǵy 29 qazanda saǵat 11.31-de Almaty oblysy TJ departamentine Uiǵyr aýdanynyń Shonjy aýylynda dárethana qaǵazyn shyǵaratyn tsehta qaǵaz keptirýge arnalǵan qazandyqtyń jarylǵany jáne ishinara shatyrdyń qulaǵany týraly habarlama tústi. Oqiǵa ornynda órt bolǵan joq», - dedi ol.
Resmi ókildiń aitýynsha, apatty jaǵdaidyń saldarynan 1983 jyly týǵan bir jumysshy qaitys boldy. Al 1999 jyly týǵan taǵy bir jumysshy túrli jaraqatpen Uiǵyr aýdanynyń ortalyq aýrýhanasyna jetkizildi.
«Tsehtyń aýdany 200 sharshy metrdi quraidy. Apat ornynyń kólemi - 25 sharshy metr. Tsehtyń tóbesi shatyr túrinde jasalǵan, bir qabatty, profildi jabyndymen jabylǵan, qabyrǵalary spliterlik blok. Aldyn ala boljam boiynsha apatty jaǵdai óndiris tehnologiiasynyń buzylýy saldarynan oryn alǵan», - dedi Talǵat Ýáli.
