الماتى وبلىسىندا تسەحتا جارىلىس بولىپ, جۇمىسشى قازا تاپتى. بۇل تۋرالى قر تٶتەنشە جاعدايلار مينيسترلٸگٸنٸڭ رەسمي ٶكٸلٸ تالعات ۋەلي ايتتى, دەپ حابارلايدى "ۇلت اقپارات".
«2020 جىلعى 29 قازاندا ساعات 11.31-دە الماتى وبلىسى تج دەپارتامەنتٸنە ۇيعىر اۋدانىنىڭ شونجى اۋىلىندا دەرەتحانا قاعازىن شىعاراتىن تسەحتا قاعاز كەپتٸرۋگە ارنالعان قازاندىقتىڭ جارىلعانى جەنە ٸشٸنارا شاتىردىڭ قۇلاعانى تۋرالى حابارلاما تٷستٸ. وقيعا ورنىندا ٶرت بولعان جوق», - دەدٸ ول.
رەسمي ٶكٸلدٸڭ ايتۋىنشا, اپاتتى جاعدايدىڭ سالدارىنان 1983 جىلى تۋعان بٸر جۇمىسشى قايتىس بولدى. ال 1999 جىلى تۋعان تاعى بٸر جۇمىسشى تٷرلٸ جاراقاتپەن ۇيعىر اۋدانىنىڭ ورتالىق اۋرۋحاناسىنا جەتكٸزٸلدٸ.
«تسەحتىڭ اۋدانى 200 شارشى مەتردٸ قۇرايدى. اپات ورنىنىڭ كٶلەمٸ - 25 شارشى مەتر. تسەحتىڭ تٶبەسٸ شاتىر تٷرٸندە جاسالعان, بٸر قاباتتى, پروفيلدٸ جابىندىمەن جابىلعان, قابىرعالارى سپليتەرلٸك بلوك. الدىن الا بولجام بويىنشا اپاتتى جاعداي ٶندٸرٸس تەحنولوگيياسىنىڭ بۇزىلۋى سالدارىنان ورىن العان», - دەدٸ تالعات ۋەلي.
