Almaty oblysynda qarý saqtalǵan oryn tabyldy, - dep habarlaidy "Ult aqparat" Polisia.kz Telegram arnasyna silteme jasap.
Keshe saǵat 15:00 shamasynda jergilikti politseiler IIM qyzmetkerlerimen birge Shamalǵan kentiniń mańynda qarý saqtalǵan oryndy anyqtady.
Jedel is-shara barysynda tártip saqshylary eki qapty tárkiledi, onyń ishinde 12 kalibrli úsh tegis uńǵyly myltyq, 410 kalibrli "Saiga" markaly bir ańshylyq myltyq, sondai-aq, "Vepr" markaly iir oiyqty myltyq jáne 308 ben 7.62 millimetr kalibrli eki patrony bar eki aqsaýyt boldy.
Bul derek politsiiada tirkeldi. Tiis saraptamalar taǵaiyndaldy, tergeý júrgizilip jatyr.
