Almaty oblysynda taǵy bir eldimeken karantinge jabylady, dep habarlaidy "Ult aqparat" óńir ákiminiń baspasóz qyzmetine silteme jasap.
30 sáýir kúngi sońǵy málimet boiynsha, Qazaqstanda koronavirýs infektsiiasy taǵy 83 adamnan anyqtalǵan edi. Onyń ishinde Almaty oblysynda 3 adam tirkeldi. Olar - Kegen aýdanynyń 63, 49 jáne 33 jastaǵy turǵyndary.
«Úsh naýqastyń 2-eýi buǵan deiin aýyrǵan syrqatpen bailanysta bolǵandyqtan Kegen aýdandyq ortalyq aýrýhanasynyń provizorlyq bóliminde karantinde bolatyn. Qazir barlyǵy Qarasai aýdandyq ortalyq aýrýhananyń infektsiialyq bólimine jatqyzylady. Olarmen bailanysta bolǵandar – 12 adam. Barlyǵy oqshaýlandyrylyp, epidemiologiialyq tekserýler júrgizilýde», - delingen aqparatta.
Osylaisha, búgingi kúni Kegen aýdanynda koronavirýs juqtyrǵandar sany 6 adamǵa jetti. Osyǵan orai, Kegen aýylyn karantinge jabý týraly aýdannyń bas memlekettik sanitarlyq dárigeriniń arnaiy qaýlysy shyqty.
