Foto: Polisia.kz
Almaty oblysynda politsiia qyzmetkeri ózine qol jumsady, - dep habarlaidy "Ult aqparat" Politsiia departamenti bastyǵynyń málimetine silteme jasap.
"Almaty oblysynyń politsiiasy óz-ózine qol jumsaý deregi boiynsha muqiiat ári jan-jaqty tergeýdi bastady.
Balqash aýdanynyń politsiiasyna aýrýhana feldsherinen aýdan ortalyǵy páterleriniń birinde 31 jastaǵy politsiia qyzmetkeriniń óz-ózine qol jumsaǵany týraly habarlama kelip tústi. Bul fakt QR QK 105-babynyń 1-bóligi (sýitsidke deiin jetkizý) boiynsha tirkeldi.
Qaitys bolǵan azamattyń otbasylyq qatynastarda jeke problemalary bolǵanyn, bul da qylmystyq isti tergeý sheńberinde tekseriletin aita ketken jón" - dep jazdy Almaty oblysy PD bastyǵy Baýyrjan Álenov.
Qazirgi ýaqytta istiń barlyq mán-jaiyn tolyq, jan-jaqty jáne obektivti tergeýdi qamtamasyz etý úshin saraptamalyq tekserýler taǵaiyndalyp, barlyq qajetti tergeý áreketi júrgizilip jatyr.
"Tergeý barysy meniń baqylaýyma alyndy. QR QK 201-babynyń sheńberinde ózge aqparat jariia etýge jatpaidy" - deidi Álenov.
