Almaty-Óskemen tas jolynda belgisiz bireýler politsiia kóligine oq atty, onyń ishinde Almaty oblysynyń politsiia departamenti bastyǵynyń orynbasary otyrǵan. Bul týraly oblystyq politsiianyń baspasóz qyzmeti habarlady, dep jazady Sputnik Qazaqstan.
Oqys oqiǵa 26 maýsym saǵat 12:20-da bolǵan. Jol qozǵalysy erejesiniń buzylýyna bailanysty janjal týyndaidy, sodan keiin politsiia kóligine oq atylǵan.
"Almaty-Óskemen tas jolynda, "Arqarly" asýy mańynda jolda týyndaǵan janjal kezinde kólik ishinde otyrǵan belgisiz bireýler Almaty oblysy politsiia departamenti bastyǵynyń birinshi orynbasary Erjan Orazbekov otyrǵan avtokólikke qarýdan oq atty, sodan keiin oqiǵa ornynan ketip qalǵan", - delingen habarlamada.
Atys saldarynan eshkim zardap shekken joq. Bul faktige qatysty Qylmystyq kodekstiń 293-babynyń úshinshi bóligi boiynsha sotqa deiingi tergeý bastaldy.
Qazirgi ýaqytta oq atqandardy anyqtap, ustaý boiynsha jedel-izdestirý jumystary júrgizilip jatyr. Oqiǵanyń mán-jaiy anyqtalýda.
