الماتى-ٶسكەمەن تاس جولىندا بەلگٸسٸز بٸرەۋلەر پوليتسييا كٶلٸگٸنە وق اتتى, ونىڭ ٸشٸندە الماتى وبلىسىنىڭ پوليتسييا دەپارتامەنتٸ باستىعىنىڭ ورىنباسارى وتىرعان. بۇل تۋرالى وبلىستىق پوليتسييانىڭ باسپاسٶز قىزمەتٸ حابارلادى, دەپ جازادى Sputnik قازاقستان.
وقىس وقيعا 26 ماۋسىم ساعات 12:20-دا بولعان. جول قوزعالىسى ەرەجەسٸنٸڭ بۇزىلۋىنا بايلانىستى جانجال تۋىندايدى, سودان كەيٸن پوليتسييا كٶلٸگٸنە وق اتىلعان.
"الماتى-ٶسكەمەن تاس جولىندا, "ارقارلى" اسۋى ماڭىندا جولدا تۋىنداعان جانجال كەزٸندە كٶلٸك ٸشٸندە وتىرعان بەلگٸسٸز بٸرەۋلەر الماتى وبلىسى پوليتسييا دەپارتامەنتٸ باستىعىنىڭ بٸرٸنشٸ ورىنباسارى ەرجان ورازبەكوۆ وتىرعان اۆتوكٶلٸككە قارۋدان وق اتتى, سودان كەيٸن وقيعا ورنىنان كەتٸپ قالعان", - دەلٸنگەن حابارلامادا.
اتىس سالدارىنان ەشكٸم زارداپ شەككەن جوق. بۇل فاكتٸگە قاتىستى قىلمىستىق كودەكستٸڭ 293-بابىنىڭ ٷشٸنشٸ بٶلٸگٸ بويىنشا سوتقا دەيٸنگٸ تەرگەۋ باستالدى.
قازٸرگٸ ۋاقىتتا وق اتقانداردى انىقتاپ, ۇستاۋ بويىنشا جەدەل-ٸزدەستٸرۋ جۇمىستارى جٷرگٸزٸلٸپ جاتىر. وقيعانىڭ مەن-جايى انىقتالۋدا.
