7 qyrkúiekte You Tube-taǵy "Báse" paraqshasynda "MChS podjigaet Kazahstan. Ýstanovlena lichnost podjigatelia iz Almaty" ataýmen beinerolik jariialanǵan bolatyn, - dep habarlaidy Tengrinews.kz.
Beinerolikte órtti uiymdastyrǵandardyń biri órtke qarsy qyzmet qyzmetkeri ekeni aitylǵan.
Beinerolikte kórsetilgen azamat Almaty qalasy TJD "Órt sóndirý jáne avariialyq-qutqarý jumystary qyzmeti" MM № 5 mamandandyrylǵan órtsóndirý bóliminiń qyzmetkeri, aǵa órtsóndirýshi, azamattyq qorǵaý serjanty, 1983 jyly týǵan Janat Erǵaliuly Óteýliev bolyp shyqqan. Ol azamattyq qorǵaý organdarynda 2008 jyldan bastap qyzmet atqarǵan.
Óteýlievti Almaty oblysy Jambyl aýdanynyń Politsiia bóliminiń qyzmetkerleri ustap, Ákimshilik quqyqbuzýshylyq kodeksiniń 440-baby 1-bólimi jáne 505-baby 1-bólim boiynsha ákimshilik jaýapkershilikke tartqan.
Tekserý sharalary barysynda Óteýliev qurǵaq shópti órteý boiynsha óz áreketin túsindire almaǵan, sebebi ol qatty mas kúide bolǵan. Qazir qyzmettik tergep-tekserý taǵaiyndalǵan.
