Almaty oblysynda uialy telefonyn qýattap uiyqtaǵan oqýshy mert boldy. Dárigerlerdiń saraptamasy boiynsha balany toq soqqan, dep habarlaidy QazAqparat.
Qaiǵyly jaǵdai Qaratal aýdanyndaǵy Bastóbe aýylynda boldy. Marqum bolǵan qyz bala 9-synyptyń oqýshysy. Anyqtalǵandai, A. A esimdi oqýshy uialy telefonyn zariadtaý úshin toqqa qosyp, uiyqtap qalǵan. 28 qyrkúiek kúni tańerteń balanyń kóz jumǵany belgili boldy. Almaty oblystyq Poltsiia departamentindegiler qaiǵyly oqiǵany rastady.
«Oqiǵany rastaimyz. Balanyń denesinde qinap óltirý belgileri joq. Dárigerlerdiń saraptamasy boiynsha, jasóspirimdy toq soqqan. Tergeý jumystaryn Qaratal aýdandyq Politsiia bólimindegiler júrgizip jatyr», - dep málimdedi atalǵan vedomstvo qyzmetinen.
