Foto: pixabay
Almaty oblysynda jasóspirim qyz TikTok-ta laik jinaý úshin ózine qol jumsaitynyn aityp, video túsirgen, - dep habarlaidy Tengrinews.kz.
Bul derek Ile aýdanyndaǵy politsiia bóliminde tirkeldi. Jergilikti tártip saqshylaryna 18 sáýirde sýitsid týraly habar túsken. Aýyldaǵy mektepterdiń birindegi oqýshy qyz kezekshi ofitsermen sóilesip, ǵimarattan qulap, ózine qol jumsaýdy sheshkenin aitqan.
Kezekshi inspektor 13 jastaǵy oqýshynyń bul áreketiniń aldyn alǵan. Ol oqiǵa ornyna kelip, oqýshyny raiynan qaitarǵan. Artynsha qyz ata-anasyna jetkizildi. Politseiler ata-anasymen sóilesip, túsindirý jumystaryn júrgizgen.
Al mektep oqýshysy bolsa shyn máninde sýitsid jasaý týraly oiy bolmaǵanyn aitqan. Ol sabaqqa keshigip qalyp, ekiqabatty ǵimarattyń shatyryna shyǵyp, politsiiaǵa ózine qol jumsaitynyn aitqan. Ol barlyq protsesti telefonyna túsirip turǵan.
"Oqýshy qyz jaqsy otbasynan shyqqan. Mektep ákimshiligi de oqýshyny tártipti ekenin aitady. Ol mundai áreketke barýyna sebep - barlyq protsesti videoǵa túsirip, ony TikTok-qa salyp, kóp laik jinaý bolǵanyn aitty", - deidi Ile aýdandyq politsiia ókilderi.
