Almaty oblysynda Raiymbek aýdanynan jer bólý arqyly jalpy aýdany 711 937 ga bolatyn jańa aýdan qurylady, dep habarlaidy "Ult aqparat".
Bul týraly Almaty oblysynyń ákimi Amandyq Batalov Ortalyq kommýnikatsiialar qyzmetinde ótken baspasóz máslihatynda málim etti.
Eske sala ketsek, biyl tamyz aiynda Almaty oblysy máslihatynyń otyrysynda oblys quramynda ákimshilik ortalyǵy Narynqol aýyly bolatyn jáne Almaty oblysy Raiymbek aýdanynan jer bólý arqyly jalpy aýdany 711 937 ga bolatyn jańa aýdan qurý jóninde QR Úkimetine usynys jasaldy jáne jańa qurylǵan aýdanǵa «Narynqol» ataýyn berý týraly respýblikalyq onomastikalyq komissiianyń qaraýyna usynys jiberildi.
"Úkimet qaýlysy men Elbasy sheshimi shyqqan soń, jańa aýdannyń qurylatynyn halyqqa qýanyshpen habarlaǵaly otyrmyz. Narynqolǵa barǵanda, jastardyń jumys izdep Almatyǵa aǵylǵanyn kórdik, qalada bazar jaǵalap júrgenderin kórdik. Sol sebepti burynǵy Narynqol aýdanyn qaita qurý týraly usynys jasadyq. Endi protsedýralyq jumystar qaldy. Ázirge arnaiy komissiia quryp, Narynqoldyń ǵimarattaryn tekserip, kelesi jyldyń biýdjetine jospar qurýymyz qajet", - dedi A.Batalov Ortalyq kommýnikatsiialar qyzmetinde.
Aita keteiik, Almaty oblysynda 16 aýdan bar, qaita qurylatyn Narynqol aýdany 17-shi bolyp tirkelmek.
