QR UQK baspasóz qyzmeti memlekettik shekarany buzǵan sheteldik azamat ustalǵany týraly habarlady.
"24 tamyz keshke UQK Shekara qyzmeti Almaty oblysy boiynsha departamentiniń shekarashylary Kegen aýdanyndaǵy Ile Alataýy jotasy taýly shatqaldarynyń birinen Memlekettik shekarany buzyp ótken shetel azamatyn ustady.
Shekara nariadynyń "toqta jáne qujatyńdy kórset" degen talabyn estigen shekara buzýshy óziniń ańshy qarýymen áskeri qyzmetshilerge qarai oq atyp, qarsylyq kórsetken jáne izin sýytýǵa tyrysqan" - delingen habarlamada.
Vedomstvo málimetinshe, ustalǵan adamǵa qatysty qylmystyq is qozǵalǵan.
"Shekarashylardyń ómiri men densaýlyǵyna ziian kelmedi, olar shekaranyń taýly ýchaskesin kúzetý boiynsha qyzmetin jalǵastyrady. Ustaý kezinde kórsetken erjúrektigi men batyldyǵyn eskere otyryp, áskeri qyzmetshilerdi kótermeleý máselesi qaralyp jatyr" - deidi UQK baspasóz qyzmeti.
