Almaty oblysynda meditsinalyq maqsattaǵy buiymdardy shyǵaratyn jańa zaýyt ashylady, dep habarlaidy "Ult aqparat".
Jańa óndiris 2020-2025 jyldarǵa arnalǵan farmatsevtikalyq jáne meditsinalyq ónerkásipti damytý jónindegi keshendi jospar sheńberinde iske qosylady. Josparǵa sáikes, Qazaqstanda farmatsevtikalyq sala óndirisiniń kólemin jáne dárilik zattar eksportyn 2 ese ulǵaitý kózdelip otyr.
QR Premer-ministri Asqar Mamin Úkimet otyrysynda Farmatsevtika ónerkásibi ekonomikanyń óte mańyzdy sektory jáne halyqtyń ómiri men densaýlyǵy qaýipsizdiginiń negizi sanalatynyn aitqan bolatyn.
Otyrys barysynda strategiialyq qujat qaraldy. Ministr otandyq farmatsevtika óndirisine qatysty memlekettik qoldaý sharalaryn keńeitýdi tapsyrdy.
Aita keteiik, 2020 jyldyń 8 aiynyń qorytyndysy boiynsha QR farmatsevtika ónerkásibindegi óndiris kólemi 34,1%, iaǵni 81,5 mlrd teńgege deiin ósken. Bul ósimge «Dolce» JShS kompaniiasy úlken úles qosty, ol óndiris kólemin 58%-ǵa arttyrdy jáne atalǵan jetistikterdi toqtatpaýǵa kúsh salady.
«Innovatsiialyq tehnologiialar parki» arnaiy ekonomikalyq aimaǵynyń sheńberinde «Dolce» JShS «Meltblaýn» úlgisindegi materialdy (meditsinalyq maskalarǵa arnalǵan súzgi), meditsinalyq maskalarǵa arnalǵan rezeńke jolaqtardy, bir rettik meditsinalyq qolǵaptardy, sterildi shyǵys materialdaryn (dákeden jasalǵan buiymdar ózge de meditsinalyq qajettilikter) óndirý boiynsha zaýyt salýdy jáne óndiristik-logistikalyq ortalyq qurýdy josparlap otyr.
Meditsinalyq maqsattaǵy bir rettik buiymdardy, kásibi shyǵys materialdaryn, bir rettik kiimderdi, sondai-aq dárilik zattardy shyǵaratyn qazaqstandyq iri óndirýshi «Dolce» JShS jańa zaýyty 100-den astam ónim túrin shyǵarady. Kásiporynnyń óndiristik qýaty – jylyna 150 mln teńge. Sonymen qatar zaýyt 300-den astam adamdy jumys ornymen qamtamasyz etedi.
«Jańa zaýyttyń ashylýy naryqty qoljetimdi baǵamen, sapaly ónimmen qamtamasyz etip qana qoimai, áleýmettik baǵyttaǵy máselelerdi sheshýge de múmkindik beredi. 300 adamdy jumys ornymen qamtamasyz etý josparlanyp otyr. Sarapshylar jumyssyzdyqtyń pandemiiadan keiingi basty problemanyń biri bolatynyn birneshe ret aitty. Kúrdeli jaǵdaiǵa qaramastan jańa jumys oryndaryn qurý – bizdiń bul máseleni sheshýge qosqan úlesimiz», – dedi «Dolce Group» JShS direktorlar keńesiniń tóraǵasy Elena Li.
