Almaty oblysynda jappai tártipsizdik kezinde dúken tonady degen kúdikpen 3 adam ustaldy, dep habarlaidy QazAqparat Polisia.kz saityna silteme jasap.
Almaty oblystyq Politsiia departamenti Kriminaldyq politsiia basqarmasynyń qyzmetkerleri qańtar aiynyń basynda bolǵan jappai tártipsizdikter kezinde «Moll Aport» dúkeninen uialy telefondar urlady degen kúdikpen 3 er adamdy ustady.
«Shuǵyl-izdestirý sharalarynyń barysynda Almaty oblystyq PD Kriminaldyq politsiia basqarmasynyń politseileri bizdiń óńirdiń týmalary bolyp tabylatyn 21 jastaǵy 3 kúdiktini ustady. Qazirgi ýaqytta 32 jastaǵy zardap shegýshi 16 dana uialy telefony urlanǵanyn málim etýde.
Ustalǵan tulǵalarǵa qatysty QR Qylmystyq kodeksiniń 188-baby 3-bóligi boiynsha qylmystyq is júrgizý bastaldy. Ózge aqparat tergeý múddesine orai jariialanýǵa jatpaidy», - dedi Kriminaldyq politsiia basqarmasynyń bastyǵy Ashat Daniiar.
