الماتى وبلىسىندا جاپپاي تەرتٸپسٸزدٸك كەزٸندە دٷكەن تونادى دەگەن كٷدٸكپەن 3 ادام ۇستالدى, دەپ حابارلايدى قازاقپارات Polisia.kz سايتىنا سٸلتەمە جاساپ.
الماتى وبلىستىق پوليتسييا دەپارتامەنتٸ كريمينالدىق پوليتسييا باسقارماسىنىڭ قىزمەتكەرلەرٸ قاڭتار ايىنىڭ باسىندا بولعان جاپپاي تەرتٸپسٸزدٸكتەر كەزٸندە «مولل اپورت» دٷكەنٸنەن ۇيالى تەلەفوندار ۇرلادى دەگەن كٷدٸكپەن 3 ەر ادامدى ۇستادى.
«شۇعىل-ٸزدەستٸرۋ شارالارىنىڭ بارىسىندا الماتى وبلىستىق پد كريمينالدىق پوليتسييا باسقارماسىنىڭ پوليتسەيلەرٸ بٸزدٸڭ ٶڭٸردٸڭ تۋمالارى بولىپ تابىلاتىن 21 جاستاعى 3 كٷدٸكتٸنٸ ۇستادى. قازٸرگٸ ۋاقىتتا 32 جاستاعى زارداپ شەگۋشٸ 16 دانا ۇيالى تەلەفونى ۇرلانعانىن مەلٸم ەتۋدە.
ۇستالعان تۇلعالارعا قاتىستى قر قىلمىستىق كودەكسٸنٸڭ 188-بابى 3-بٶلٸگٸ بويىنشا قىلمىستىق ٸس جٷرگٸزۋ باستالدى. ٶزگە اقپارات تەرگەۋ مٷددەسٸنە وراي جارييالانۋعا جاتپايدى», - دەدٸ كريمينالدىق پوليتسييا باسقارماسىنىڭ باستىعى اسحات دانييار.
