Almaty oblysynda úsh buqa men siyrdy urlaǵan kúdikti ustaldy, dep habarlaidy «Ult aqparat» Almaty oblystyq politsiia departamentiniń baspasóz qyzmetine silteme jasap.
Jambyl APB kezekshi bólimine 43 jastaǵy turǵyn jaiylymnan jalpy quny 1 200 000 teńge bolatyn 2 úsh jasar buqa men 1 siyrdy urlap ketkendigi týraly aryzben júgindi. Atalǵan fakti QR QK 181-1-baby 1-bóligi boiynsha SDTBT-de tirkeldi.
Almaty oblysy PD QPB jedel ýákilderi jergilikti JPB qyzmetkerlerimen birlese otyryp, Jambyl oblysy Qordai aýylynyń 37, 39 jáne 49 jastaǵy úsh turǵynnan turatyn qylmystyq toptyń izine tústi. Olardyń biriniń týystarynan saqshylar urlanǵan úsh buqany tárkiledi. Bir qyzyǵy, osy úsheýiniń biri buryn mal urlaǵany úshin sottalyp, 4 jyl bas bostandyǵynan aiyryldy.
Usynylǵan dáleldermen áshkerelengen urlyqshylar urlyqty moiyndady jáne túnde úsheýi jaiylymǵa eki kólikpen kelip, jaiylyp júrgen buqalar men siyrdy ustady. Siyr soiylyp, et 250 000 teńgege satyldy, al buqalardy Baiserke aýylynda týysqandaryna aparǵan.
Barlyq úsh kúdiktige qamaýǵa alý túrindegi bultartpaý sharasy tańdaldy. «Aýdi-100» markaly eki avtokólik qylmys quraly retinde tárkilenip, sot sheshimine deiin arnaiy turaqqa ornalastyryldy. Buqalar zańdy iesine qaitaryldy, iesi politsiiaǵa jaqsy jumys úshin alǵys bildirdi.
Ózge aqparat QR QIJK 201-babyna sáikes jariia etilmeidi.
Aita ketsek, jaqynda ǵana Almaty oblysynda mal urlyǵyna kúdikti bir top adam ustalǵan bolatyn.
Naqtyraq aitsaq, biylǵy tamyz aiynyń ortasynda jedel jumys barysynda Almaty oblystyq politsiia departamentiniń kriminaldyq politsiia basqarmasy qyzmetkerleriniń nazaryna buryn ártúrli ýaqytta mal urlyǵy úshin sottalǵan er adamdardyń kriminaldyq toby tústi.
Jedel-izdestirý sharalaryn júrgizý barysynda politseiler túngi ýaqytta Ile aýdany Mejdýrechensk kentiniń janyndaǵy jaiylymnan jylqyny qalai urlaǵanyn anyqtady. Oljany tasymaldaý kezinde Gazel - fýrgon avtokóliginde urlyqshylar ustaldy, jylqy tárkilendi.
Budan ári, aýla aralaý arqyly tártip saqshylary «Savraski» iesin anyqtady, ol Mejdýrechensk kentiniń 34 jastaǵy turǵyny bolyp shyqqan. Jábirlenýshi urlyq týraly aryz jazdy.
Qajetti rásimderden keiin jylqy iesine qaitaryldy, iesi politseilerge jaqsy qyzmeti úshin shyn júrekten alǵys aitty. Kúdikti dep tanylǵan Jambyl aýdany Uzynaǵash aýylynyń 34, 44 jáne 49 jastaǵy turǵyndary QR QIJK 128-babyna sáikes ÝUI-na qamaýǵa alyndy, sodan keiin tergeý sýdiasy olarǵa qamaýǵa ustaý túrindegi bultartpaý sharasyn sanktsiialady.
Sotqa deiingi tergeý barysynda qamaýǵa alynǵandardyń basqa qylmystarǵa qatysy bar-joǵy tekseriledi.
