الماتى وبلىسىندا ٷش بۇقا مەن سيىردى ۇرلاعان كٷدٸكتٸ ۇستالدى, دەپ حابارلايدى «ۇلت اقپارات» الماتى وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
جامبىل اپب كەزەكشٸ بٶلٸمٸنە 43 جاستاعى تۇرعىن جايىلىمنان جالپى قۇنى 1 200 000 تەڭگە بولاتىن 2 ٷش جاسار بۇقا مەن 1 سيىردى ۇرلاپ كەتكەندٸگٸ تۋرالى ارىزبەن جٷگٸندٸ. اتالعان فاكتٸ قر قك 181-1-بابى 1-بٶلٸگٸ بويىنشا سدتبت-دە تٸركەلدٸ.
الماتى وبلىسى پد قپب جەدەل ۋەكٸلدەرٸ جەرگٸلٸكتٸ جپب قىزمەتكەرلەرٸمەن بٸرلەسە وتىرىپ, جامبىل وبلىسى قورداي اۋىلىنىڭ 37, 39 جەنە 49 جاستاعى ٷش تۇرعىننان تۇراتىن قىلمىستىق توپتىڭ ٸزٸنە تٷستٸ. ولاردىڭ بٸرٸنٸڭ تۋىستارىنان ساقشىلار ۇرلانعان ٷش بۇقانى تەركٸلەدٸ. بٸر قىزىعى, وسى ٷشەۋٸنٸڭ بٸرٸ بۇرىن مال ۇرلاعانى ٷشٸن سوتتالىپ, 4 جىل باس بوستاندىعىنان ايىرىلدى.
ۇسىنىلعان دەلەلدەرمەن ەشكەرەلەنگەن ۇرلىقشىلار ۇرلىقتى مويىندادى جەنە تٷندە ٷشەۋٸ جايىلىمعا ەكٸ كٶلٸكپەن كەلٸپ, جايىلىپ جٷرگەن بۇقالار مەن سيىردى ۇستادى. سيىر سويىلىپ, ەت 250 000 تەڭگەگە ساتىلدى, ال بۇقالاردى بايسەركە اۋىلىندا تۋىسقاندارىنا اپارعان.
بارلىق ٷش كٷدٸكتٸگە قاماۋعا الۋ تٷرٸندەگٸ بۇلتارتپاۋ شاراسى تاڭدالدى. «اۋدي-100» ماركالى ەكٸ اۆتوكٶلٸك قىلمىس قۇرالى رەتٸندە تەركٸلەنٸپ, سوت شەشٸمٸنە دەيٸن ارنايى تۇراققا ورنالاستىرىلدى. بۇقالار زاڭدى يەسٸنە قايتارىلدى, يەسٸ پوليتسيياعا جاقسى جۇمىس ٷشٸن العىس بٸلدٸردٸ.
ٶزگە اقپارات قر قٸجك 201-بابىنا سەيكەس جارييا ەتٸلمەيدٸ.
ايتا كەتسەك, جاقىندا عانا الماتى وبلىسىندا مال ۇرلىعىنا كٷدٸكتٸ بٸر توپ ادام ۇستالعان بولاتىن.
ناقتىراق ايتساق, بيىلعى تامىز ايىنىڭ ورتاسىندا جەدەل جۇمىس بارىسىندا الماتى وبلىستىق پوليتسييا دەپارتامەنتٸنٸڭ كريمينالدىق پوليتسييا باسقارماسى قىزمەتكەرلەرٸنٸڭ نازارىنا بۇرىن ەرتٷرلٸ ۋاقىتتا مال ۇرلىعى ٷشٸن سوتتالعان ەر ادامداردىڭ كريمينالدىق توبى تٷستٸ.
جەدەل-ٸزدەستٸرۋ شارالارىن جٷرگٸزۋ بارىسىندا پوليتسەيلەر تٷنگٸ ۋاقىتتا ٸلە اۋدانى مەجدۋرەچەنسك كەنتٸنٸڭ جانىنداعى جايىلىمنان جىلقىنى قالاي ۇرلاعانىن انىقتادى. ولجانى تاسىمالداۋ كەزٸندە گازەل - فۋرگون اۆتوكٶلٸگٸندە ۇرلىقشىلار ۇستالدى, جىلقى تەركٸلەندٸ.
بۇدان ەرٸ, اۋلا ارالاۋ ارقىلى تەرتٸپ ساقشىلارى «ساۆراسكي» يەسٸن انىقتادى, ول مەجدۋرەچەنسك كەنتٸنٸڭ 34 جاستاعى تۇرعىنى بولىپ شىققان. جەبٸرلەنۋشٸ ۇرلىق تۋرالى ارىز جازدى.
قاجەتتٸ رەسٸمدەردەن كەيٸن جىلقى يەسٸنە قايتارىلدى, يەسٸ پوليتسەيلەرگە جاقسى قىزمەتٸ ٷشٸن شىن جٷرەكتەن العىس ايتتى. كٷدٸكتٸ دەپ تانىلعان جامبىل اۋدانى ۇزىناعاش اۋىلىنىڭ 34, 44 جەنە 49 جاستاعى تۇرعىندارى قر قٸجك 128-بابىنا سەيكەس ۋۇي-نا قاماۋعا الىندى, سودان كەيٸن تەرگەۋ سۋدياسى ولارعا قاماۋعا ۇستاۋ تٷرٸندەگٸ بۇلتارتپاۋ شاراسىن سانكتسييالادى.
سوتقا دەيٸنگٸ تەرگەۋ بارىسىندا قاماۋعا الىنعانداردىڭ باسقا قىلمىستارعا قاتىسى بار-جوعى تەكسەرٸلەدٸ.
