2017 jylǵy 14 qyrkúiekte Almaty oblysynyń Azamattyq Aliansy jáne ÚEU-dyń Konsalting Ortalyǵynyń uiymdastyrýymen Latyn qarpine kóshý - bul qazirgi zamanǵy tańdaý» atty kezdesý ótti.
Sharanyń negizgi maqsaty QR Prezidenti N.Nazarbaevtyń «Bolashaqqa baǵdar: rýhani jańǵyrý» baǵdarlamasyn júzege asyrý aiasynda turǵyndar arasynda latyn qarpine kóshý qajettiligi boiynsha túsindirý jumystaryn júrgizý, latyn qarpine kóshý boiynsha ózekti máselelerdi talqylaý.
Jiynda Qajet Andas – oblystyq «Jetisý» gazetiniń tilshisi, Isaeva Qalamqas Esenqulqyzy – «Aýyl» halyqtyq-demokratiialyq patriottyq partiiasynyń oblystyq filialy tóraǵasynyń orynbasary, Taldyqorǵan qalasynyń Qoǵamdyq Keńesiniń múshesi, Boranbaev Damir Qalybekuly – «Birlik» partiiasynyń oblystyq filialy tórǵasynyń orynbasary, Kalieva Bakyt Asanqyzy – «Jas urpaq» qoǵamdyq birlestiginiń tóraiymy, Oksana Iahimovich – Taldyqorǵan qalalyq máslihatynyń depýtaty óz pikirlerimen bólisti.
«Qazirgi kezeńde bilim salasyndaǵy jańa reformanyń júzege asyrylýy da, iaǵni jańartylǵan bilim mazmuny osy latyn álipbiine kóshýde óz úlesin qosady degen oidamyn. Oǵan dálel, bastaýysh býynnan bastap tildiń úsh tuǵyrlyǵynyń basymdyǵynyń bastaý alýy kerek» - dep «Aýyl» halyqtyq-demokratiialyq patriottyq partiiasynyń oblystyq filialy tóraǵasynyń orynbasary, Taldyqorǵan qalasynyń Qoǵamdyq Keńesiniń múshesi Isaeva Qalamqas Esenqulqyzy aitty.
«Áriptesterimizdiń basym kópshiligi Elbasyna qoldaý bildirýde jáne latyn qarpine kóshý úrdisin qajet dep esepteidi» degen pikirdi «Jas urpaq» qoǵamdyq birlestiginiń tóraiymy Kalieva Bakyt Asanqyzy bildirdi.
Jiyn pikir-talas, suraq-jaýaptar formatymen aiaqtaldy.
