Almaty oblysynda qojalyq iesi óziniń mal baǵatyn jumysshysyn soǵyp, 9 qabyrǵasyn syndyrǵan. Qazir malshy aýrýhanada jatyr, dep habarlaidy QazAqparat.
Almaty oblystyq politsiia departamenti baspasóz qyzmetiniń málimetinshe, 2 mamyr kúni aýrýhanaǵa aýyr dene jaraqatymen 44 jastaǵy er adam túskeni jóninde habarlama kelgen.
Anyqtalǵandai, azamatty qojaiyny soqqan. Al taiaq jegen adam onyń malyn baqqan.
Oqiǵa Aqsý aýdanynda bolǵan.
«Qazir kúdikti ustaldy. Ol - Taldyqorǵannyń 43 jastaǵy turǵyny. Onyń kóligi de tárkilendi. Meditsinalyq tekserý kezinde kúdiktiniń jeńil túrde ishimdik ishkeni anyqtaldy. Qazir onyń ústinen QR QK 106 baby, iaǵni qasaqana densaýlyqqa ziian keltirý boiynsha is qozǵalyp, tergeý júrip jatyr»,- delingen atalǵan vedomstvonyń habarlamasynda.
Aita keteiik, malshy men jumysshy ózara sózge kelip, janjaldasyp qalǵan.
Artynsha, malshy eki kishkentai kámeletke tolmaǵan balasyn jáne joldasyn alyp, qojalyqtan ketpekshi bolǵan.
Biraq jumys berýshi «Lexus 470» kóligimen qaǵyp, balalardyń kózinshe soqqyǵa jyqqan.
«Qazir kólik tárkilendi. Kúdikti qamaýda otyr»,- dep tolyqtyrdy atalǵan vedomstvonyń baspasóz qyzmetinen.
