Búgin Eńbekshiqazaq aýdanynda koronavirýs diagnozymen tirkelgen alǵashqy naýqas aýrýhanadan shyǵaryldy. Ol oblys boiynsha atalǵan indetten jazylǵan 7-shi adam, - dep habarlaidy "Ult aqparat" Almaty oblysy ákiminiń baspasóz qyzmetine silteme jasap.
Naýqastanyp, jazylyp shyqqan 59 jastaǵy azamat - Eńbekshiqazaq aýdany Esik qalasynyń turǵyny. Ol 26 naýryzda Ózbekstannan úilený toiynda bolyp kelgen. 28 naýryzda shuǵyl meditsinalyq kómek brigadasy ony Eńbekshiqazaq aýdany, Báidibek bi aýylyndaǵy aýyldyq aýrýhananyń observatsiialyq bólimine jetkizgen. Naýqaspen qarym-qatynas jasaǵan 13 adamnan aýrýhanada virýsologiiaǵa taldaý alyndy. Olardyń barlyǵynyń nátijesi taza shyqty.
Naýqasqa 14 sáýirde qaita jasalǵan taldaý qorytyndysy onyń saý ekenin kórsetti. Patsienttiń shaǵymy joq, jaǵdaiy qanaǵattanarlyq.
Sonymen, Almaty oblysynda koronavirýsten jazylǵandar sany 7 adam boldy.
