بٷگٸن ەڭبەكشٸقازاق اۋدانىندا كوروناۆيرۋس دياگنوزىمەن تٸركەلگەن العاشقى ناۋقاس اۋرۋحانادان شىعارىلدى. ول وبلىس بويىنشا اتالعان ٸندەتتەن جازىلعان 7-شٸ ادام, - دەپ حابارلايدى "ۇلت اقپارات" الماتى وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
ناۋقاستانىپ, جازىلىپ شىققان 59 جاستاعى ازامات - ەڭبەكشٸقازاق اۋدانى ەسٸك قالاسىنىڭ تۇرعىنى. ول 26 ناۋرىزدا ٶزبەكستاننان ٷيلەنۋ تويىندا بولىپ كەلگەن. 28 ناۋرىزدا شۇعىل مەديتسينالىق كٶمەك بريگاداسى ونى ەڭبەكشٸقازاق اۋدانى, بەيدٸبەك بي اۋىلىنداعى اۋىلدىق اۋرۋحانانىڭ وبسەرۆاتسييالىق بٶلٸمٸنە جەتكٸزگەن. ناۋقاسپەن قارىم-قاتىناس جاساعان 13 ادامنان اۋرۋحانادا ۆيرۋسولوگيياعا تالداۋ الىندى. ولاردىڭ بارلىعىنىڭ نەتيجەسٸ تازا شىقتى.
ناۋقاسقا 14 سەۋٸردە قايتا جاسالعان تالداۋ قورىتىندىسى ونىڭ ساۋ ەكەنٸن كٶرسەتتٸ. پاتسيەنتتٸڭ شاعىمى جوق, جاعدايى قاناعاتتانارلىق.
سونىمەن, الماتى وبلىسىندا كوروناۆيرۋستەن جازىلعاندار سانى 7 ادام بولدى.
