Foto: pressfoto/ Freepik
Almaty oblysynyń sybailas jemqorlyqqa qarsy eriktileri 20 mln teńge biýdjet qarajatyn únemdedi, dep habarlaidy "Ult aqparat" vedomstvonyń baspasóz qyzmetine silteme jasap.
Almaty oblysy Sybailas jemqorlyqqa qarsy qyzmetiniń eriktileri memlekettik satyp alý portalynyń monitoringi barysynda baǵany 18.5 mln teńgege kóterý faktilerin anyqtaǵan.
«Ile aýdany ákiminiń aýdandyq kitaphanasy» QMM 14 mln teńgege bir kitap jinaǵyn jáne 6 mln teńgege kitap oqýǵa arnalǵan kompiýterlik qurylǵyny satyp alýdy josparlady.
Alaida eriktiler kitap jinaǵynyń ortasha baǵasy 1.1 mln teńgeni, al kitap oqýǵa arnalǵan kompiýterlik qurylǵynyń baǵasy 360.9 myń teńgeni quraitynyn anyqtady.
Bul rette aýdandyq kitaphana baǵany 18.5 mln teńgege kóterdi. Osyǵan bailanysty eriktiler Ile aýdanynyń mádeniet bólimine baǵalardy qaita qaraý jóninde usynys jiberdi» - delingen habarlamada.
Nátijesinde kitaphanaǵa satyp alýdan bas tartylyp, 20 mln teńge somasynda bólingen qarajat biýdjetke qaitarylǵan.
