فوتو: pressfoto/ Freepik
الماتى وبلىسىنىڭ سىبايلاس جەمقورلىققا قارسى ەرٸكتٸلەرٸ 20 ملن تەڭگە بيۋدجەت قاراجاتىن ٷنەمدەدٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
الماتى وبلىسى سىبايلاس جەمقورلىققا قارسى قىزمەتٸنٸڭ ەرٸكتٸلەرٸ مەملەكەتتٸك ساتىپ الۋ پورتالىنىڭ مونيتورينگٸ بارىسىندا باعانى 18.5 ملن تەڭگەگە كٶتەرۋ فاكتٸلەرٸن انىقتاعان.
«ٸلە اۋدانى ەكٸمٸنٸڭ اۋداندىق كٸتاپحاناسى» قمم 14 ملن تەڭگەگە بٸر كٸتاپ جيناعىن جەنە 6 ملن تەڭگەگە كٸتاپ وقۋعا ارنالعان كومپيۋتەرلٸك قۇرىلعىنى ساتىپ الۋدى جوسپارلادى.
الايدا ەرٸكتٸلەر كٸتاپ جيناعىنىڭ ورتاشا باعاسى 1.1 ملن تەڭگەنٸ, ال كٸتاپ وقۋعا ارنالعان كومپيۋتەرلٸك قۇرىلعىنىڭ باعاسى 360.9 مىڭ تەڭگەنٸ قۇرايتىنىن انىقتادى.
بۇل رەتتە اۋداندىق كٸتاپحانا باعانى 18.5 ملن تەڭگەگە كٶتەردٸ. وسىعان بايلانىستى ەرٸكتٸلەر ٸلە اۋدانىنىڭ مەدەنيەت بٶلٸمٸنە باعالاردى قايتا قاراۋ جٶنٸندە ۇسىنىس جٸبەردٸ» - دەلٸنگەن حابارلامادا.
نەتيجەسٸندە كٸتاپحاناعا ساتىپ الۋدان باس تارتىلىپ, 20 ملن تەڭگە سوماسىندا بٶلٸنگەن قاراجات بيۋدجەتكە قايتارىلعان.
