Foto: ashyq derekkóz
Almaty oblysynda bopsalaý jáne qaraqshylyq jasady degen kúdikpen bir top adam qamaýǵa alyndy, dep habarlaidy Ult.kz.
Almaty oblysy Politsiia departamentiniń málimetinshe, 16-17 sáýirge qaraǵan túni Talǵar aýdanynda kúdiktiler 28 jastaǵy azamatty aldyn ala jospar boiynsha adam az júretin jerge aldap shaqyrǵan. Keiin pyshaqpen qorqytyp, kúsh qoldaný arqyly dene jaraqatyn keltirip, taýly aimaqqa kúshtep alyp ketken.
Olar jábirlenýshini quqyq qorǵaý organdaryna onyń zańsyz áreketteri týraly jalǵan aqparat taratamyz dep qorqytyp, 10 million teńge talap etken. Sondai-aq quny shamamen 17 million teńge bolatyn avtokóligin kepil retinde alyp qoiǵan.
Qazir sotqa deiingi tergep-tekserý amaldary júrgizilip jatyr. Kúdiktiler ýaqytsha ustaý izoliatoryna qamaldy.
