Foto ashyq derekkózden alyndy
Almaty oblysynyń politseileri kámeletke tolmaǵan qyzǵa qatysty zorlyq-zombylyq jasady degen kúdiktini anyqtap, ustady. Bul týraly oblystyq Politsiia departamenti bastyǵy Baýyrjan Álenov habarlady.
Esterińizge sala keteiik, 1 qarashada Jambyl aýdanynyń politsiiasyna Aqseńgir aýylynyń 44 jastaǵy jergilikti turǵynynan biyl qazan aiynda belgisiz er adamnyń qyzyna qatysty jynystyq sipattaǵy is-áreketter jasaǵany týraly habarlama kelip túsken bolatyn.
"Atalǵan derek QR QK 121-babynyń 4-bóligi boiynsha aýdandyq politsiiada tirkeldi. Jedel-izdestirý is-sharasy barysynda politsiia qyzmetkerleri 1974 jylǵy K. esimdi kúdikti azamatty anyqtap, ustady. Sot sanktsiiasymen ustalǵan adam sotqa deiingi tergeý júrgizý kezinde eki ai merzimge qamaýǵa alyndy.
Qazirgi ýaqytta qylmysty tergeýde onyń tolyqtyǵyn, jan-jaqtylyǵyn jáne obektivtiligin qamtamasyz etý maqsatynda saraptamalyq tekserýler taǵaiyndalyp, barlyq qajetti tergeý áreketteri júrgizilip jatyr" - dep jazdy Baýyrjan Álenov.
