Almaty oblysynyń Shilisý aýyly mańynda tobynan qalyp qoiǵan aqqý qutqaryldy. Turǵyndardyń kómegimen tabiǵatty qorǵaýshylar aqqýdy ustap, ýaqytsha Almatydaǵy haiýanattar baǵyna tapsyrdy.
Jergilikti turǵyndardyń aitýynsha, Kerbulaq aýdanyna qarasty Shilisý aýyly mańyndaǵy sýǵa úsh aqqý ushyp kelgen. Aýyldaǵy aǵaiyn sulý qustarǵa nan shashyp, qyzyqtap qarap júretin. 1,5 ai buryn eki aqqý ushyp ketip, bireýi qalyp qoiǵan. Sońǵy kúnderi kún qatty sýytyp, muz qata bastady. Lázzat esimdi turǵyn kieli qusqa jany ashyp, jan-jaqqa habarlasty. Aqparatty estigen tabiǵatty qorǵaýshylar aýylǵa kelip aqqýdy ustaýǵa kiristi. QR AShM Orman sharýashylyǵy jáne janýarlar dúniesi komiteti «Ohotzooprom» RMK inspektorlary jergilikti turǵyndar kómegimen jaraly qusty ustap, Almaty qalasyndaǵy haiýanattar baǵyna jetkizdi. Ol jerde mamandar aqqýdyń jaraqatyn anyqtap, em-dom kórsetip, qaramaǵyna alatyn boldy.
Aita ketý kerek, kúnniń kúrt sýytýyna bailanysty mundai jaǵdailar jiilep ketti.
«Jýyrda dál osyndai jaǵdai Soltústik Qazaqstanda qaitalanǵan bolatyn. Ol jerde mamandar 16 aqqýdy qutqardy. Eń bastysy qorshaǵan ortaǵa, janýarlar dúniesine beijai qaramaityn qarapaiym adamdar kóbeid»,- deidi mamandar.
