الماتى وبلىسىنىڭ شيلٸسۋ اۋىلى ماڭىندا توبىنان قالىپ قويعان اققۋ قۇتقارىلدى. تۇرعىنداردىڭ كٶمەگٸمەن تابيعاتتى قورعاۋشىلار اققۋدى ۇستاپ, ۋاقىتشا الماتىداعى حايۋاناتتار باعىنا تاپسىردى.
جەرگٸلٸكتٸ تۇرعىنداردىڭ ايتۋىنشا, كەربۇلاق اۋدانىنا قاراستى شيلٸسۋ اۋىلى ماڭىنداعى سۋعا ٷش اققۋ ۇشىپ كەلگەن. اۋىلداعى اعايىن سۇلۋ قۇستارعا نان شاشىپ, قىزىقتاپ قاراپ جٷرەتٸن. 1,5 اي بۇرىن ەكٸ اققۋ ۇشىپ كەتٸپ, بٸرەۋٸ قالىپ قويعان. سوڭعى كٷندەرٸ كٷن قاتتى سۋىتىپ, مۇز قاتا باستادى. لەززات ەسٸمدٸ تۇرعىن كيەلٸ قۇسقا جانى اشىپ, جان-جاققا حابارلاستى. اقپاراتتى ەستٸگەن تابيعاتتى قورعاۋشىلار اۋىلعا كەلٸپ اققۋدى ۇستاۋعا كٸرٸستٸ. قر اشم ورمان شارۋاشىلىعى جەنە جانۋارلار دٷنيەسٸ كوميتەتٸ «وحوتزووپروم» رمك ينسپەكتورلارى جەرگٸلٸكتٸ تۇرعىندار كٶمەگٸمەن جارالى قۇستى ۇستاپ, الماتى قالاسىنداعى حايۋاناتتار باعىنا جەتكٸزدٸ. ول جەردە ماماندار اققۋدىڭ جاراقاتىن انىقتاپ, ەم-دوم كٶرسەتٸپ, قاراماعىنا الاتىن بولدى.
ايتا كەتۋ كەرەك, كٷننٸڭ كٷرت سۋىتۋىنا بايلانىستى مۇنداي جاعدايلار جيٸلەپ كەتتٸ.
«جۋىردا دەل وسىنداي جاعداي سولتٷستٸك قازاقستاندا قايتالانعان بولاتىن. ول جەردە ماماندار 16 اققۋدى قۇتقاردى. ەڭ باستىسى قورشاعان ورتاعا, جانۋارلار دٷنيەسٸنە بەيجاي قارامايتىن قاراپايىم ادامدار كٶبەيد»,- دەيدٸ ماماندار.
