Almaty oblysynda itti júk kóliginiń artyna bailap, súiretken júrgizýshi ustaldy, dep habarlaidy "Ult aqparat".
Qazir 37 jastaǵy turǵynnyń ústinen 316-baby («Janýarlarǵa qatygezdik jasaý») boiynsha qylmystyq óndiris qozǵaldy.
Oqiǵa búgin Qulja tas jolynyń boiynda boldy. Arqanmen bailanǵan itti júk kóligi súirep bara jatqan video áleýmettik jelide tarady.
Ustalǵan azamattyń aitýynsha, ol qoqys tasýmen ainalysady. Ittiń óleksesin kórgen soń kólik júrgizýshi ony adamdar joq jerge aparyp tastaǵysy kelgen.
Almaty oblystyq Politsiia departamenti baspasóz qyzmetiniń málimetinshe, ustalǵan azamat Eńbekshiqazaq aýdanynyń turǵyny.
Aita keteiik, Qazaqstanda janýarlardy qorǵaýǵa jáne olarǵa qatygezdik kórsetkenderge jaýapkeshilikti kúsheitýge baǵyttalǵan zań jobasy ázirlendi. Qazir qujat qoǵam talqylaýyna usynylǵan.
«Qazirgi ýaqytta barlyq janýarlarǵa, onyń ishinde, úi, jabaiy jáne aýyl sharýashylyǵy janýarlaryna jaýapkershilikpen qaraý týraly birde-bir zań joq. Janýarlarǵa qatygezdik kórsetken adamdar týraly habarlamalar áleýmettik jelilerde jii kezdesip jatyr.
Alaida, búginde Qazaqstandaǵy janýarlarǵa qatygezdik kórsetkeni úshin taǵaiyndalatyn jaza tym jeńil. Sondyqtan, Memleket basshysy Qasym-Jomart Kemelulynyń tapsyrmasy boiynsha, birinshi kezekte, janýarlardy haiýanattar baǵynda ustaýǵa qoiylatyn talaptardy qatańdatýdy alǵa qoiyp otyrmyz», - degen bolatyn Ekologiia, geologiia jáne tabiǵi resýrstar ministri Maǵzum Myrzaǵaliev.
