Almaty oblysynda ishek qurylysy keýde tusynda ornalasqan sábi dúniege keldi. Dárigerlerdiń aitýynsha, mundai aýytqýmen týylǵan nárestelerdiń 95 paiyzy shetinep ketedi.
Qyrkúiektiń 29-y kúni Sarqan aýdandyq ortalyq aýrýhanasynda ishek qurylysy keýde tusynda ornalasqan sábi dúniege kelgen. 30-y qyrkúiek kúni sábige dereý ota jasalyp, balanyń ishek qurylysy ornyna qoiylǵan. Al 3-shi qazan kúni náreste kývez apparatymen Almaty oblystyq balalar aýrýhanasyna jetkizilgen.
«Náresteniń ishek qurylysy, kók baýyry barlyǵy keýde tusyna jyljyp ketip, ókpeni qysqan. Qazir barlyq organdar óz ornyna qoiyldy. Balaǵa ota sátti jasaldy. Sábi qazir reanimatsiiadan hirýrgiia bólimine shyǵaryldy. Juma kúni anasymen birge úiine jiberemiz dep josparlap otyrmyz», - dedi Almaty oblystyq balalar aýrýhanasynyń bas dárigeri Marat Dosqaliev.
Sondai-aq bas dárigerdiń aitýynsha, Taldyqorǵanda 21 qyrkúiek kúni ishegi túiilip qalǵan sábi dúniege kelgen. Qazir ol nárestege alǵashqy ota jasalyp, jaǵdaiy baqylaýda. Aldaǵy ýaqytta nárestege taǵy ota jasalatyn bolady.
