الماتى وبلىسىندا ٸشەك قۇرىلىسى كەۋدە تۇسىندا ورنالاسقان سەبي دٷنيەگە كەلدٸ. دەرٸگەرلەردٸڭ ايتۋىنشا, مۇنداي اۋىتقۋمەن تۋىلعان نەرەستەلەردٸڭ 95 پايىزى شەتٸنەپ كەتەدٸ.
قىركٷيەكتٸڭ 29-ى كٷنٸ سارقان اۋداندىق ورتالىق اۋرۋحاناسىندا ٸشەك قۇرىلىسى كەۋدە تۇسىندا ورنالاسقان سەبي دٷنيەگە كەلگەن. 30-ى قىركٷيەك كٷنٸ سەبيگە دەرەۋ وتا جاسالىپ, بالانىڭ ٸشەك قۇرىلىسى ورنىنا قويىلعان. ال 3-شٸ قازان كٷنٸ نەرەستە كۋۆەز اپپاراتىمەن الماتى وبلىستىق بالالار اۋرۋحاناسىنا جەتكٸزٸلگەن.
«نەرەستەنٸڭ ٸشەك قۇرىلىسى, كٶك باۋىرى بارلىعى كەۋدە تۇسىنا جىلجىپ كەتٸپ, ٶكپەنٸ قىسقان. قازٸر بارلىق ورگاندار ٶز ورنىنا قويىلدى. بالاعا وتا سەتتٸ جاسالدى. سەبي قازٸر رەانيماتسييادان حيرۋرگييا بٶلٸمٸنە شىعارىلدى. جۇما كٷنٸ اناسىمەن بٸرگە ٷيٸنە جٸبەرەمٸز دەپ جوسپارلاپ وتىرمىز», - دەدٸ الماتى وبلىستىق بالالار اۋرۋحاناسىنىڭ باس دەرٸگەرٸ مارات دوسقاليەۆ.
سونداي-اق باس دەرٸگەردٸڭ ايتۋىنشا, تالدىقورعاندا 21 قىركٷيەك كٷنٸ ٸشەگٸ تٷيٸلٸپ قالعان سەبي دٷنيەگە كەلگەن. قازٸر ول نەرەستەگە العاشقى وتا جاسالىپ, جاعدايى باقىلاۋدا. الداعى ۋاقىتتا نەرەستەگە تاعى وتا جاسالاتىن بولادى.
