Almaty oblysy Jambyl aýdanynda iri maining fermasy áshkerelendi, - dep habarlaidy Tengrinews.kz tilshisi Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
Zańsyz áreket sheteldik investorlarmen birlese otyryp, burynǵy mata zaýyty bolǵan "Qarǵaly" AQ aýmaǵynda júzege asyrylǵany habarlandy.
Uiymdastyrýshylar maining fermasy tutynǵan elektr qýatyn toqyma óndirisi atynan jeńildetilgen tarif boiynsha tólep kelgen. Tintý kezinde mamandar quny 1 milliard teńgeden asatyn kriptovaliýta óndirý úshin iri shifrlaý kesheni bar 2800-den astam jabdyq tárkiledi.
"Aldyn ala baǵalaý boiynsha memleketke 131 198 909 teńge mólsherinde zalal keltirilgen. Sonymen qatar, maining fermasyn uiymdastyrýshylar "Alataý Jaryq Kompaniiasy" AQ men Jambyl aýdanynyń ETA-niń qyzmetkerlerine 50 myńnan 1,5 million teńgege deiingi somada para berip otyrǵan", - delingen habarlamada.
Qazirgi ýaqytta tergeý amaldary júrip jatyr, saraptama taǵaiyndaldy. Ózge aqparat tergeý múddesine sai jariia etilmeidi.
