الماتى وبلىسى جامبىل اۋدانىندا ٸرٸ ماينينگ فەرماسى ەشكەرەلەندٸ, - دەپ حابارلايدى Tengrinews.kz تٸلشٸسٸ سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
زاڭسىز ەرەكەت شەتەلدٸك ينۆەستورلارمەن بٸرلەسە وتىرىپ, بۇرىنعى ماتا زاۋىتى بولعان "قارعالى" اق اۋماعىندا جٷزەگە اسىرىلعانى حابارلاندى.
ۇيىمداستىرۋشىلار ماينينگ فەرماسى تۇتىنعان ەلەكتر قۋاتىن توقىما ٶندٸرٸسٸ اتىنان جەڭٸلدەتٸلگەن تاريف بويىنشا تٶلەپ كەلگەن. تٸنتۋ كەزٸندە ماماندار قۇنى 1 ميلليارد تەڭگەدەن اساتىن كريپتوۆاليۋتا ٶندٸرۋ ٷشٸن ٸرٸ شيفرلاۋ كەشەنٸ بار 2800-دەن استام جابدىق تەركٸلەدٸ.
"الدىن الا باعالاۋ بويىنشا مەملەكەتكە 131 198 909 تەڭگە مٶلشەرٸندە زالال كەلتٸرٸلگەن. سونىمەن قاتار, ماينينگ فەرماسىن ۇيىمداستىرۋشىلار "الاتاۋ جارىق كومپانيياسى" اق مەن جامبىل اۋدانىنىڭ ەتا-نٸڭ قىزمەتكەرلەرٸنە 50 مىڭنان 1,5 ميلليون تەڭگەگە دەيٸنگٸ سومادا پارا بەرٸپ وتىرعان", - دەلٸنگەن حابارلامادا.
قازٸرگٸ ۋاقىتتا تەرگەۋ امالدارى جٷرٸپ جاتىر, ساراپتاما تاعايىندالدى. ٶزگە اقپارات تەرگەۋ مٷددەسٸنە ساي جارييا ەتٸلمەيدٸ.
