Foto: Polisia.kz
Almaty oblysynda iri esirtki zerthanasy joiyldy, - dep habarlaidy "Ult aqparat" Polisia.kz-ke silteme jasap.
Portal málimetinshe, zerthana IIM men UQK birlesken arnaiy operatsiiasy barysynda anyqtalyp, joiylǵan.
Aýqymdy sintetikalyq esirtki óndirisin jolǵa qoiǵan kúdikti 7 qańtarda ustalǵan. Esirtki zerthanasyn tintý barysynda 30 keli "mefedron" psihotroptyq zaty jáne esirtki óndirýge arnalǵan bir tonnadan astam himiialyq reaktivter tabylyp, tárkilendi.
"Arnaiy operatsiia sátti júzege asý úshin prokýratýra organdarynyń kelisimi boiynsha jedel-izdestirý is-sharalary júrgizildi. Qazirgi ýaqytta sintetikalyq esirtki óndirisine qajet jabdyqtardy jetkizý arnalary jáne basqa da sybailastardy anyqtaý boiynsha tergeý sharalary júrgizilip jatyr", - delingen habarlamada.
Politsiia málimetinshe, bul derek boiynsha Qazaqstan Respýblikasy Qylmystyq kodeksiniń 297-babynyń 3-bóligi boiynsha sotaldy tergeý bastaldy.
