Almaty-Bishkek tas jolynyń 97 shaqyrymynda arnaiy operatsiia júrgizgen politsiia qyzmetkerleri esirtki tasymaldaǵan kúdiktini qolǵa túsirdi, dep habarlaidy "Ult aqparat".
Almaty oblystyq Politsiia departamentiniń esirtkige qarsy basqarmasynyń mamandary patrýldik politsiia qyzmetkerlerimen birlesip, jolda toqtatqan kólikten 4 kg 627 gr marihýana jáne 5,52 gashish tárkilendi.
«43 jastaǵy Jambyl oblysynyń turǵyny ustaldy. Kúdikti kólikte jolaýshy bolǵan. Er adam buǵan deiin esirtki saqtaǵany úshin qylmystyq jaýapkershilikke tartylǵan. Qazir atalǵan fakti boiynsha QR QK-niń 296-baby 4-tarmaǵy iaǵni, esirtkini zańsyz saqtaý jáne asa iri kólemde ony tasymaldaǵany úshin sot-aldy tergeý júrip jatyr», - dep málimdedi Almaty oblystyq PD baspasóz qyzmetinen.
Kúdikti Jambyl aýdandyq ýaqytsha ustaý izoliatoryna qamaldy.
